Rarik ohf. hefur lokið útboði á nýjum grænum skuldabréfaflokki RARIK 100633 GB.
Þrjátíu og fjögur tilboð að fjárhæð 14.720 m.kr. að nafnverði bárust í flokkinn á ávöxtunarkröfu á bilinu 3,65%-3,99%. Tilboðum að fjárhæð 10.000 m.kr. var tekið á ávöxtunarkröfunni 3,77%.
Skuldabréfaflokkurinn er verðtryggt vaxtagreiðslubréf til 7 ára, með vaxtagreiðslum á 6 mánaða fresti. Um er að ræða fyrstu grænu skuldabréfaútgáfu félagsins undir grænni fjármögnunarumgjörð.
Greiðslu og uppgjörsdagur er fyrirhugaður miðvikudaginn, 10. júní 2026. Stefnt er að skráningu skuldabréfaflokksins og töku til viðskipta á Nasdaq Iceland á næstu mánuðum.
Fyrirtækjaráðgjöf og markaðsviðskipti Landsbankans höfðu umsjón með útgáfu og sölu skuldabréfanna og hafa einnig umsjón með töku skuldabréfanna til viðskipta á Nasdaq Iceland.
Rarik ohf. gefur skuldabréfin út undir grænni fjármögnunarumgjörð félagsins, sem gerir félaginu kleift að fjármagna eða endurfjármagna verkefni sem styðja við orkuskipti, uppbyggingu og endurnýjun dreifikerfis og aðra sjálfbæra orkuinnviði í samræmi við stefnu og markmið félagsins um sjálfbærni og ábyrgan rekstur. Umgjörðin hefur hlotið vottun frá Moody’s Ratings, sem er alþjóðlega viðurkenndur vottunaraðili. Umgjörðin hlaut hæstu einkunn Moody’s Ratings, SQS1 (excellent). Nánari upplýsingar um grænu umgjörðina og sjálfbærnivegferð félagsins má finna á vef félagsins: Umgjörð um græna fjármögnun
Nánari upplýsingar veita:
Elísabet Ýr Sveinsdóttir, framkvæmdastjóri fjármála hjá Rarik, í síma 842 9244 eða elisve@rarik.is
Gunnar S. Tryggvason, Verðbréfamiðlun Landsbankans, í síma 821 2090 eða gunnars@landsbankinn.is
